Dzejūleiši. Dzejūli bārnim latgaliski
Cītī vuoki, 44 puslopys, 21,5 x 22 cm
Elizabetis (eistajā vuordā Ilzis Vovkys) dzejūļu kruojums bārnim “Dzejūleiši”. Tymā apkūpuoti 17 dzejūli latgalīšu rokstu volūdā par vysaiduokom temom. Ir dzejūli par dobu, bārnu rūtaļom, pasauļa redziejumu bārna acim i tt. Vysi dzejūleiši ir latgalīšu volūdā. Pādejuos lopuos ir dūta vareiba rodūši izapaust pošim bārnim – pamasta vīta, kur bārns var īraksteit sovu dzejūleiti i izzeimēt sovu ilustraceju. Gruomotā īspieju rūbežūs ir saglobuotys Aulejis pusei rakstureiguos volūdys sovpateibys: vuordu formys, poši vuordi ar tulkuojumim i paskaidruojumim vuordineicā, kas ir piec kotra dzejūļa.
Elizabete roksta jau nu školys laika. “Tai nūpītnuok suoču raksteit i syuteit dorbus avīzem i žurnalim vydsškolys laikā. Tī leluokū tīsu beja prozys dorbi. Tod kaidu šaļti raksteju reši, viņ veļtejuma panteņus dzimšonys dīnuos rodim i draugim. Atsuoču aktivuok raksteit 2020. godā piec daleibys i 3. vītys dzejneicai Velgai Krilei veļteitajā autoru-īsuocieju konkursā “Tu arī mani spēsi izpildīt”. Pa itū laiku asmu pīsadalejuse daudzūs nūvoda i Latgolas mārūga konkursūs, kurūs sajiemu atzineibys i gūdolguotys vītys,” jei nūruoda. Elizabetis dzejūli publicāti sešūs (dreiži byušūt ari septeitais) dzejis kūpkruojumūs, izdūta ari sova dzejis gruomota “Agape”, kurā daži dzejūli ir ari latgalīšu volūdā.
Lels paļdis Kruoslovys nūvoda pošvaļdeibai i Latgolys kulturys programai (Vaļsts kulturkapitala fonda Latvīšu viesturyskūs zemu atteisteibys mierkprogramai)!
Izdavuma muokslineica-maketātūoja Marika Marcinkus, volūdys konsuļtantis Edeite Laime i Lideja Leikuma, izdeviejs SIA "Ezerrozes grāmatas"/Kruoslovys nūvoda pošvaļdeiba, drukuots SIA "Dardedze Hologrāfija".
Vaira par gruomotu:
