mūžīgā nepārtikusī stirna

Dzejis kruojumam ir divejis dalis: latvīšu literarajā volūdā i latgalīšu rokstu volūdā raksteitī dzejūli. Tī atkluoj autoris pasauļa dualismu, tok ari obeju pasauļu saikni. Obejom dzejūļu kruojuma daļom izvālātī motivi sasabolsoj i stuosta par sīviškū pasauli, kuram tryukst mīlesteibys.

Mileikys dzejis kruojumā „mūžīgā nepārtikusī stirna” nav īvāruota latgalīšu dzejis tradiceja. Autore atsaļaun izaicynuot sabīdreibu i raksteit uorpus katuoliski korektuos tekstu ramys, izsokūt tekstā sīvītis seksualitati. Deļtuo kruojumā īkļautuo dzeja ir dabuojuse latgalīšu auditorejis viereibu i dažaidu attīksmi — gon nicynūšu, gon atzineigu.

Kruojums sajiems Latgalīšu kulturys goda bolvu “Boņuks 2015” nominacejā “Lobuokais snāgums literaturā”, kai ari bejs nomināts Latvejis Literaturys goda bolvai kai goda debeja.