Vuicīs raksteit latgaliski. Pošvuiceibys leidzeklis

Itys ir digitals bezmoksys latgalīšu rokstu volūdys pošvuiceibys leidzeklis nu diveju daļu: I daļa Teoreja i aizdavumi; II daļa Atbiļdis.

Davīnojūt vuiceibu leidzekli pierkuma grūzam, dabuosit saiti, kur materialu apsavērt i saglobuot. 

Pošvuiceibys materials “Vuicīs raksteit latgaliski!” byus nūdereigs kai jaunīšim kasdīnys saziņā, tai ari Latgolys kulturys i sabīdryskajim darbinīkim kasdīnys dorbā, kai ari vysim, kurim ir svareigi prast pareizi raksteit latgaliski. Apvuiceibu materials paradzāts īsuociejim, bet byus nūdereigs zynuošonu atsvaidzynuošonai ari tim, kas jau roksta latgaliski.

Kūpumā materialā īkļautys ostonis nūdarbeibys, kotru nu tūs veļtejūt sovai temai. Teoreju papyldynoj praktiski aizdavumi i tim pīvīnuotuos atbiļdis, kas ļaus puorbaudeit, voi teoreja ir īsavuiceita pareizi. Materials sagataveits, bolstūtīs iz Latvejis Republikys Tīslītu ministrejis 2007. godā apstyprynuotūs Latgalīšu pareizraksteibys nūsacejumu. Pošvuiceibys materialu sagatavejuse ilggadeja latgalīšu tekstu korektore Muora Mortuzāne-Muravska.

Taipat pīduovojam nūsavērt bezmoksys latgalīšu rokstu volūdys ostoņu nūdarbeibu kursu ite.