Latgalīšu rokstu volūdys grupys nūdarbeiba

Pīduovojam īspieju dorba kolektivā, ar draugim voi kai cytaiži izzynuot par latgalīšu rokstu volūdu vaira! Itei ir vīnys stuņdis nūdarbeiba ar latgalīšu rokstu volūdys specialistu, kurā izzynuosit rokstu volūdys pamatprincipus, piļdeisit aizdavumus, dabuosit atbiļdis iz naskaidrajim vaicuojumim. Nūdarbeibys golā varēsit par saprastū puorsalīcynuot pošpuorbaudis testā. 

Nūdarbeibys temu var izavēlēt piec gribiešonys i īprīškejuos pīredzis - suocūt nu pošu pamatu da jau gryušuoku temu. 

Maksimalais vīnys nūdarbeibys daleibnīku skaits 20, nūdarbeiba var nūtikt kai kluotīnē, tai i attuolynuotā variantā. Kluotīnis nūdarbeibys samoksai atkareibā nu geografiskuos vītys kluotyn var byut vēļ papyldu ceļa izmoksys. 

Samoksā par nūdarbeibu vydā ir atleidzeiba školuotuojam, nūdūkli, vuiceibu materiala sagataveišona i atbolsts bīdreibys dorbam. 

Taipat latgalīšu rokstu volūdys īsavuiceišonai pīduovojam nūsavērt bezmoksys latgalīšu rokstu volūdys ostoņu nūdarbeibu kursu ite.