Atbolstu volūdys aizdavumu

Tai ir saguojs, ka latgalīšu rokstu volūdu mums (tim, kurī grib) juosavuica pošim. Školuos nav bejuse taida variešona, deļtuo niu raugam vuiceitīs poši i pīduovuot īspiejis tū dareit ari cytim. Da ituo asam sajāmuši lobus vuordus i pateiceibys, ka pa reizei socialajūs teiklūs sataisam volūdys testus i aizdavumus, kū ar prīcu dareitu i bīžuok. 

Ar itū atbolstu mes varēsim sataiseit vysmoz vīnu latgalīšu rokstu volūdys aizdavumu publiciešonai socialajūs teiklūs, kab kotrys grybātuojs var puorbaudeit sevi i kū ta jaunu īsavuiceit voi atkuortuot.